ვისოლი ჯგუფი ერთგული მომხმარებლებისათვის წამახალისებელ აქციას იწყებს. 1 მაისიდან 30 ივნისის ჩათვლით ყველა ის ფიზიკურ პირი, რომელიც ვისოლის ნებისმიერ ავტოგასამართ სადგურზე ასი ან მეტი ლარის ღირებულების საწვავს შეიძენს, მიიღებს სპეციალურ ვაუჩერს, რომლის საშუალებითაც 10%-იანი ფასდაკლებით ისარგებლებს ფრანგული „ტოტალისა" და „ფინას" საავტომობილო ზეთებზე „ავტო ექსპრესის" მთელს ქსელში.
ვისოლის ერთგულ მომხმარებელს ფასდაკლებით სარგებლობა შეეძლება 2012 წლის 31 დეკემბრის ჩათვლით „ავტო ექსპრესის" მომსახურების ობიექტებში ვაუჩერის წარდგენისთანავე.
„ვისოლის `ავტო ექსპრესი" „ტოტალისა" და „ფინას" საავტომობილო ზეთების ექსკლუზიური იმპორტიორია საქართველოში. შესაბამისად, უმაღლესი ხარისხის ფრანგულ საავტომობილო ზეთებზე მოთხოვნა ძალიან მაღალია, წამახალისებელი აქციით კი გვსურს ერთგული მომხმარებლისათვის ვისოლის `ავტო ექსპრესთან" ურთიერთობა კიდევ უფრო მიმზიდველი გავხადოთ. ამას გარდა, ვფიქრობთ, ვისოლის მომხმარებლისთვის უმაღლესი ხარისხის საწვავთან ერთად ფრანგულ საავტომობილო ზეძებზე ფასდაკლება მომხიბვლელი შეთავაზებაა ", - აცხადებენ ვისოლში.
ვისოლის `ავტო ექსპრესის" სერვის ცენტრებში მთელი საქართველოს მასშტაბით მომხმარებელს საშუალება აქვს შეიძინოს „ტოტალის" ძრავის ნახევრადსინთეტიკური, სინთეტიკური და მინერალის ტიპის ზეთები, ჰიდრავლიკის, გადაცემათა კოლოფის და ხიდის ზეთები, ანტიფრიზები, სამუხრუჭე სითხეები და სხვა საპოხი მასალები. ვისოლის `ავტო ექსპრესი" მომხმარებელს ასევე „ფინას" ნახევრადსინთეტიკური ტიპის ძრავის ზეთებსა და მინერალის ტიპის ძრავის ზეთებს სთავაზობს 6.50 ლარიდან.
„ვისოლ ავტო ექსპრესი" 2011 წლიდან დამკვიდრდა საქართველოს ბაზარზე. დღესდღეობით კომპანიის 13 ავტომომსახურების ცენტრი უმაღლესი ხარისხის ფრანგული „ტოტალის" და „ფინას" საავტომობილო ზეთების და სხვა საპოხი მასალების გარდა მომხმარებელს ვულკანიზაციისა და ბალანსირების სრულ მომსახურებასაც სთავაზობს.