საქართველოს მთავრობაში ახალი სტრუქტურა შეიქმნა - სტრატეგიული განვითარების სააგენტო. ეს სააგენტო პრეზიდენტის ბრძანებულებით დაფუძნდა და მისი მთავარი ფუნქცია ტურისტული ინფრასტრუქტურის პროექტების კოორდინირება იქნება.
დღეს მთელი დღის განმავლობაში ეკონომიკის მინისტრი ვერა ქობალია სააგენტოს ხელმძღვანელს კახეთში განსახორციელებელ პროექტებს აცნობს. ეს შეხვედრა ყვარელში ილიას ტბაზე მიმდინარეობს.
სტრატეგიული განვითარების სააგენტოს ევალება ისეთი დიდი პროექტების კოორდინაცია და მონიტორინგი, როგორიც არის კახეთისა და იმერეთის რეაბილიტაცია და ასევე ახალი ქალაქის ლაზიკას მშენებლობა.
"ბოლო წლების განმავლობაში ქვეყნის აღმშენებლობის პროცესში ბევრი რამე გაკეთდა. გადავედით ახალ ეტაპზე, როდესაც თვისობრივად ახალ გამოწვევებთან გვაქვს საქმე. საუბარია უკვე მთლიანი რეგიონების რეაბილიტაციაზე, საუბარია ახალი ქალაქების მშენებლობაზე. სწორედ ამ პროცესებში ჩართვება სტრატეგიული განვითარების სააგენტო, რომელიც გაუწევს კოორდინაციას ამ მასშტაბური პროექტების განხორციელებისას სხვა და სხვა სახელმწიფო უწყებას", _ აცხადებს განვითარების სტრატეგიული განვითარების სააგენტოს ხელმძღვანელი ივა დავითაია.
სტრატეგიული განვითარების სააგენტოში ამ ეტპზე 10 ადამიანი იმუშავებს.
