სოფლის მეურნეობის მინისტრის მოადგილე კონსტანტინე კობახიძე ქვემო ქართლში, სოფელ გამარჯვებაში, საგაზაფხულო სასოფლო - სამეურნეო სამუშაოების მიმდინარეობას გაეცნო და სიმინდის თესვის პროცესს დაესწრო.
30 ჰექტარ მიწის ფართობზე სიმინდი სოფლის მეურნეობის განვითარების და ფერმერთა დახმარების პროგრამს ფარგლებში შემოყვანილი ახალი ტრაქტორის საშუალებით დაითესა. აღნიშნული ტექნიკის გამოყენებით გაცილებით მარტივდება სასოფლო-სამეურნეო სამუშაოების ხარისხიანი ჩატარება.
,,ჩვენ შევხვდით ფერმერებს და გავეცანით არსებულ პრობლემებს. შევთანხმდით, რომ სოფლის მეურნეობის სამინისტრო ეტაპობრივად დაეხმარება მათ ამ პრობლემების მოგვარებაში", - განაცხადა კონსტანტინე კობახიძემ.
მინისტრის მოადგილემ ადგილობრივ ფერმერებთან მომსახურების ცენტრებისათვის გადაცემული ახალი ტექნიკის გამოყენებით გაწეული საგაზაფხულო სამუშაოების მიმდინარეობა შეაჯამა.
