ბათუმში უპატრონო რადიოაქტიური წყაროების ძიებისა და უსაფრთხოების საკითხებზე სასწავლო კურსი მიმდინარეობს. სასწავლო კურსი აშშ-ის ენერგეტიკის დეპარტამენტის გლობალური საფრთხის შემცირების ინიციატივის (GTRI) ეგიდით იმართება და 4 მაისს დასრულდება.
პროგრამაში საქართველოს შსს საგანგებო საიტუაციების მართვის დეპარტამენტის სამაშველო ჯგუფის, აჭარის ავტონომიური რესპუბლიკის გარემოს დაცვისა და ბუნებრივი რესურსების სამმართველოს, რადიაციული ტექნოლოგიებისა და უსაფრთხოების ცენტრის, ასევე ენერგეტიკისა და ბუნებრივი რესურსების სამინისტროს ბირთვული და რადიაციული უსაფრთხოების დეპარტამენტის ფოთის ოფისის წარმომადგენლები მონაწილეობენ.
ღონისძიების მიზანია დაინტერესებული უწყებების სპეციალისტებისათვის ე.წ. "უპატრონო" მაიონებელი გამოსხივების წყაროების მოძიებასთან დაკავშირებული ახალი მეთოდებისა და თანამედროვე საძიებო-დოზიმეტრიული აპარატურით მუშაობის პრინციპების გაზიარება. უპატრონო წყაროების მოძიებისათვის გაძლიერდება.
არსებული ინფრასტრუქტურა. აქცენტი გაკეთდება აჭარაში შესაბამისი რესურსის შექმნაზე, რაც შემდეგ რეგიონში არსებული, ყოფილი რუსული სამხედრო ბაზების ტერიტორიების რუტინული გამოკვლევისათვის გამოიყენება.
სასწავლო კურსს ამერიკელი სპეციალიტები გაუძღვებიან. კურსის ფარგლებში გათვალისწინებულია დაბა ანასეულში მდებარე ჩაისა და სუბტროპიკული კულტურების ინსტიტუტის ტერიტორიაზე ორდღიანი პრაქტიკული მეცადინეობის ჩატარება.
გარდა ამისა, აშშ-ის ენერგეტიკის დეპარტამენტი ქართულ მხარეს დოზიმეტრულ აპარატურას გადასცემს, რომელიც სასწავლო კურსში მონაწილე უწყებებს შორის განაწილდება.
