პრეზიდენტის პრესსპიკერის მანანა მანჯგალაძის ინფორმაციით, მიხეილ სააკაშვილი რამდენიმე ახალი ჰიდროელექტროსადგურის მშენებლობის პროცესს მოინახულებს.
"პრეზიდენტის უახლოეს გეგმებში შედის რამდენიმე ახალი ჰიდროელექტროსადგურის მშენებლობის მონახულება, მათ შორის არის - რაჭაში ლუხუნჰესის და გურიაში ბახვისჰესის მონახულება",_ განაცხადა მანანა მანჯალაძემ.
მისივე თქმით, მიხეილ სააკაშვილი რამდენიმე კლინიკასაც მოინახულებს.
"ახლო მომავალში მიხეილ სააკაშვილი რამდენიმე ახალ კლინიკას მოინახულებს. მათ შორის არის ფოთის კლინიკა", _ განაცხადა მანანა მანჯგალაძემ და აღნიშნა, რომ ქვეყნის პრეზიდენტს უახლოეს მოამავალში ასევე დაგეგმილი აქვს რამდენიმე საირიგაციო ცენტრის მონახულება.
"უახლოეს მომავალში პრეზიდენტს ჩანიშნული აქვს დაათვალიეროს საირიგაციო ცენტები, რომელთა გახსნა დაგეგმილია საქართველოს ყველა რეგიონში", _ განაცხადა პრეზიდენტის პრესპიკერმა მანანა მანჯგალაძემ ტრადიციულ ბრიფინგზე.