11-14 მაისს ბათუმში, ეუთოს საპარლამენტო ასამბლეის ეგიდით ეკონომიკური კონფერენცია გაიმართება.
„ნაციონალური მოძრაობის" პრესსამსახურის ინფორმაციით, ეკონომიკურ ფორუმს ასამბლეის პრეზიდენტი პეტრის ეფთიმიუ გახსნის და მასში 200-ზე მეტი დელეგატი მიიღებს მონაწილეობას. ასევე, საქართველოში სტუმრად 40-მდე ქვეყნის საპარლამენტო დელეგაციას ელიან.
ეუთოს ეკონომიკურ კონფერენცია საინვესტიციო გარემოსთან, კორუფციის წინააღმდეგ ბრძოლასთან, სატრანსპორტო ინფრასტრუქტურასთან, ენერგეტიკული უსაფრთხოებასთან და ტურიზმთან დაკავშირებულ საკითხებს დაეთმობა.
