2012 წლის მარტში მთლიანი შიდა პროდუქტის რეალურმა ზრდამ წინა წლის მარტთან შედარებით, წინასწარი შეფასებით, 4,8 პროცენტი შეადგინა.
როგორც "ჯი-ეიჩ-ენს" საქსტატიდან აცნობეს, 2012 წლის I კვარტალის მიხედვით მთლიანი შიდა პროდუქტის რეალურმა ზრდამ წინა წლის შესაბამის პერიოდთან შედარებით 6 პროცენტი შეადგინა.
ყოველკვარტალური სტატისტიკური გამოკვლევებით დაზუსტებული მთლიანი შიდა პროდუქტის რეალური ზრდის I კვარტლის მონაცემები გამოქვეყნდება მიმდინარე წლის 19 ივნისს.
2012 წლიდან საქსტატმა დაიწყო ეკონომიკის ზრდის ყოველთვიური წინასწარი შეფასებების წარმოება, რომელიც იანგარიშება დღგ-ს გადამხდელი საწარმოების ბრუნვების, დეფლატორის, ფისკალური და მონეტარული მონაცემების საფუძველზე.