26 აპრილს 13:00 სთ-ზე „თეგეტა მოტორსის" სათაო ოფისში გაიმართება უმსხვილესი ფრანგული ბრენდის „მიშლენის" საქართველოს ბაზარზე შემოსვლასთან დაკავშირებით მიძღვნილი სპეციალური ღონისძიება. ღონისძიების ფარგლებში ხელი მოეწერება ურთიერთთანამშრომლობის ხელშეკრულებას, რომლის თანახმადაც კომპანია „თეგეტა მოტორსს" მიენიჭება საბურავების მსოფლიო ბრენდის „მიშლენის" ექსკლუზიური დისტრიბუტორის სტატუსი.
"მიშლენის", როგორც პრემიუმ ბრენდის შემოსვლა მეტად მნიშვნელოვანია ქართული ბაზრისთვის. აღნიშნული ბრენდის შემოსვლა საქართველოში ხაზს უსვამს მომხმარებლის მზად ყოფნას, შეიძინოს პრემიუმ ბრენდის პროდუქცია. „მიშლენის" საბურავები გათვლილია მომხმარებლებისთვის, ვინც განსაკუთრებულ მნიშვნელობას ანიჭებენ კომფორტულ და უსაფრთხო მგზავრობას.
უახლოეს მომავალში „თეგეტა მოტორსი" მიშლენის სპეციალიზებული მაღაზიების Tire plus-ის ქსელის გახსნას გეგმავს, სადაც წარმოდგენილი იქნება პროდუქციის ფართო ასორტიმენტი, მომხმარებელს კი საშუალება ექნება მიიღოს მაღალი დონის მომსახურება. აღსანიშნავია, რომ „მიშლენის" საბურავებს ახასიათებს მაქსიმალური კომფორტი, უსაფრთხოება და მაღალი გარბენი, რაც მას გამოარჩევს სხვა პრემიუმ კლასის ბრენდების საბურავებისგან.
მსოფლიო სარეკლამო ბიზნესში ფართოდ ცნობილია მიშლენის მასკოტი ბიბენდუმი, რომელიც კომპანიის სარეკლამო კამპანიების განუყრელი სახეა. „თეგეტა მოტორსი" მომხმარებელს სხვადასხვა საინტერესო ღონისძიებებსა და აქტივობებს შესთავაზებს სწორედ ბიბენდუმთან ერთად მიშლენის სარეკლამო კამპანიის ფარგლებში.
Michelin დაარსდა 1888 წელს საფრანგეთში. იგი წარმოადგენს საბურავების მწარმოებელ ერთერთ უმსხვილეს კომპანიას მსოფლიოში. დაარსებიდან დღემდე კომპანიის მთავარ მიზანს წარმოადგენს მომხმარებელს შესთავაზოს მოწინავე ტექნოლოგიებისა და ინოვაციების გამოყენებით დამზადებული პროდუქტი.
