პრემიერ-მინისტრმა მთავრობის სხდომაზე პირველი კვარტლის მაკროეკონმიკური მაჩვენებლები მიმოიხილა. როგორც გილაურმა განაცხადა, წინასწარი მონაცემებით, პირველ კვარტალში მთლიანი შიდა პროდუქტი 2011 წლის ანალოგიურ პერიოდთან შედარებით 6 პროცენტითაა გაზრდილი.
"ეს საკმაოდ კარგი მაჩვენებელია დღევანდელ ეკონომიკურ კრიზისს თუ გავითვალისწინებთ. წელს ბიუჯეტში გათვალისწინებულია ეკონომიკის 5-პროცენტიანი ზრდა, მაგრამ ხაზგასასმელია ისიც, რომ თებერვალი იყო საკმაოდ მძიმე, რადგან ყინვებიდან გამომდინარე თებერვალაში ეკონომიკური აქტივობები დაბალი იყო, ვიდრე ჩვენ ამას ვვარაუდობდით",- განაცხადა გილაურმა
მისი თქმით, მას შემდეგ, რაც იანვარ-მარტის დაზუსტებული მაკროეკონომიკური პარამეტრები გამოქვეყნდება, ქვეყნის ეკონომიკური ზრდა წინასწარ მონაცემებთან შედარებით მაღალი იქნება.