ხვალ, 24 აპრილს, 15:00 საათზე, სასტუმრო Holiday Inn- ში ელიტ ელექტრონიქსი პრესკონფერენციას გამართავს. ელიტ ელექტრონიქსს 2012 წლის, აპრილიდან ახალი მფლობელები ჰყავს, კომპანია შეისყიდა ჯგუფმა, რომელსაც წარმოადგენს ბატონი შაულ სილბერშტენი, ბრიმაგის ჯგუფის სამეთვალყურეო საბჭოს თავმჯდომარე. ბრიმაგის მფლობელობაშია ელექტრო ტექნიკის წარმოებისა და გაყიდვების ერთ-ერთი უმსხვილესი ქსელი ევროპისა და ისრაელის ბაზარზე, რომელიც ითვლის 400-ზე მეტ მაღაზიას. ბრიმაგის ჯგუფი არის სონის, გრეცის, როსიერის და ჰაუვერის ოფიციალური დისტრიბუტორი ევროპასა და ისრაელში. ასევე ინვესტორთა ჯგუფში შედიან ქართული კომპანიები - ელიტ ეფლაიენსი და უნივერსალ კაპიტალ გრუპი.
ელიტ ელექტრონიქსის გენერალური დირექტორის პოზიციაზე დაინიშნა მატი ლეშემი. იგი კომპანიის აქციონერებმა სპეციალურად მოიწვიეს, ვინაიდან მას ძალიან დიდი გამოცდილება გააჩნია საცალო გაყიდვებისა და ბიზნეს ადმინისტრირების მიმართულებით. ბატონი მატი გახლავთ ამერიკის მოქალაქე, იგი გახლავთ კალიფორნიის უნივერსიტეტის მაგისტრის ხარისხის მფლობელი ბიზნესის ადმინისტრირებაში და ხელმძღვანელობდა რამოდენიმე უმსხვილეს კომპანიას ამერიკასა და ისრაელში.
ბოლო 6 თვის განმავლობაში ინვესტორთა ჯგუფი აწარმოებდა გრძელვადიან და ძირეულ მოლაპარაკებებს კომპანიის კრედიტორებთან. მოთხოვნა ელიტ ელექტრონიქსის მდგომარეობის დასტაბილიზებაზე საქართველოს სამი უმსხვილესი ბანკებიდან მოდიოდა. ისინი ინვესტორებს სთხოვდნენ დახმარებოდნენ მათი კომპანიის გადარჩენაში და 400-ზე მეტი პირდაპირი თანამშრომლის და 250 არაპირდაპირ დასაქმებული ადამიანის ფინანსური უსაფრთხოების უზრუნველყოფაში მთელი საქართველოს მასშტაბით.
ელიტ ელექტრონიქსის ფულადი დავალიანების მთლიანი თანხა 2009 წლისათვის 42 მილიონ ლარს შეადგენდა. ინვესტორთა ჯგუფმა კომპანიის გადასარჩენად მასშტაბური ინვესტიცია განახორციელა და ფინანსები გაიღო ფულადი დავალიანების შესამცირებლად. ეს დავალიანება საგრძნობლად შემცირდა. ასევე ინვესტორთა ჯგუფმა აიღო ვალდებულება სახელმწიფოს წინაშე არსებული დავალიანებების გადაფარვაზე.
"ელიტ ელექტრონიქსი დღეისათვის ყველაზე დიდი საცალო ქსელითაა წარმოდგენილი, კომპანია როგორც გაყიდვების, ასევე პროდუქციის მრავალფეროვნების მიხედვით ქართული ბაზრის ლიდერია. ჩვენი მიზანია ეს პოზიცია კიდევ უფრო გავამყაროთ, მომხმარებელს კიდევ უფრო დიდი არჩევანი შევთავაზოთ ახალი ბრენდების მიმართულებით, უახლოეს მომავალში კიდევ რამოდენიმე ფილიალის გახსნა იგეგმება ქვეყნის მასშტაბით.
ელიტ ელექტრონიქსი თავის ერთგულ მომხმარებელს უახლესი პროდუქციის ფართო არჩევანს, საუკეთესო მომსახურებას, საუკეთესო ხარიხსა და განსაკუთრებულ ფასებს შესთავაზებს." განაცხადა ელიტ ელექტრონიქსის გენერალურმა დირექტორმა ბატონმა მატი ლეშემმა.