მომავალ წელს ბათუმს ახალი საზღვაო პორტი ექნება. როგორც "ჯი-ეიჩ-ენს" აჭარის მთავრობაში განუცხადეს, კომპანია Royal Caribbean-ი ბათუმში ახალი პორტის დაპროექტებისთვის საინჟინრო სამუშაოებს სექტემბრისთვის დაასრულებს და, სავარაუდოდ, ოქტომბრიდან ახალი პორტის მშენებლობას დაიწყებს.
პროექტის თანახმად, პორტის ნავმისადგომები დაგრძელდება და ის დიდი ზომის ლაინერების მიღებას თავისუფლად შეძლებს. თუ რა მოცულობის ინვესტიციას განახორციელებს Royal Caribbean-ი, აჭარის მთავრობაში ვერ აკონკრეტებენ, რადგანაც კომპანიას ჯერ წყალქვეშა სამუშაოები აქვს ჩასატარებელი და ამიტომ წინასწარი ინვესტიციის მოცულობის განაგრიშება ვერ ხერხდება.
პროექტის თანახმად, Royal Caribbean-ი ძველი პორტის ტერიტორიასაც აითვისებს და მის სრულ რეკონსტრუქციას მოახდენს. აჭარის მთავრობაში განმარატვენ, რომ რეკონსტრუქციისა და ახალი პორტის მშენებლობის შემდეგ, ბათუმის საზღვაო პორტი ყველა იმ ხომალდის მიღებას შეძლებს, რაც კი შავ ზღვაში შემოდის.
მთავრობის ინფორმაციით, მას შემდეგ, რაც ახალი პორტის მშენებლობის პროექტი განხორციელდება, აჭარას უფრო მეტი საკრუიზო გემების მიღებას შეძლებს, რაც აჭარისთვის დამატებით ტურისტულ ნაკადს ნიშნავს.
აღსანიშნავია, რომ საკურიზო ჰოლდინგში Royal Caribbean International-ი წარმოადგენს რიგით მეორე და საკრუიზო კომპანიას Carnival Cruise Lines-ის შემდეგ. Royal Caribbean-ი მსოფლიოს საკრუიზო ბაზრის 25 %-ს აკონტროლებს. კომპანიის შტაბ-ბინა მაიამიშია განთავსებული 2011 წელს Royal Caribbean-მა ექსპლუატაცია 42 საკრუიზო ხომალდს გაუწია.
