დღეს, სოფლის მეურნეობის მინისტრი ზაზა გოროზია შიდა ქართლის რეგიონში, სოფელ დიცში ნიადაგის დაფრეზვის სამუშაოებს ადგილზე გაეცნო.
როგორც "ჯი-ეიჩ-ენს" სოფლის მეურნეობის სამინისტროდან აცნობეს, ეს არის სიახლე საქართველოს სოფლის მეურნეობაში, კერძოდ იტალიური წარმოების სპეციალური მექანიზმით - ,,ფრეზის აპარატით" - ხდება ნიადაგის გაფხვიერება. ეს პროცესი მაქსიმალურად უწყობს ხელს ნიადაგის გაკულტურებას, აუმჯობესებს ნიადაგის სტრუქტურას და გაცილებით მარტივია მომდევნო სასოფლო-სამეურნეო სამუშაოების ხარისხიანი ჩატარება, რაც ნიშნავს უფრო მეტ მოსავალს, უფრო მეტ ათვისებულ სასოფლო-სამეურნეო მიწას.
თუ ამ ტექნოლოგიის დანერგვამდე, ფერმერს 1 ჰექტარი მიწის დასამუშავებლად ესაჭიროებოდა რამდენიმე დღე, ფრეზის მექანიზმის გამოყენებით 1 ჰექტარის გაფხვიერება უკვე 1 საათშია შესაძლებელი.
40 ერთეული იტალიური ფრეზის ტექნიკით უკვე მიმდინარეობს ნიადაგის გაფხვიერება საქართველოს ყველა რეგიონში. ახლო მომავალში კი დამატებითი 40 ერთეული ფრეზის მისაბმელი მთელი ქვეყნის მასშტაბით განაწილება.