აჭარის სოფლის მეურნეობის სამინისტროს ორგანიზებით რეგიონის ფერმერთა აგროდაკრედიტების გაცემის საკითზე სპეციალური შეხვედრა გაიმართა
სამინისტროს ინფორმაციით, აღნიშნულ შეხვედრაში მონაწილეობას ღებულობდნენ აჭარის სოფლის მეურნეობის სამინისტროს წარმომადგენლები, საბანკო-საფინანსო ორგანიზაციებიდან ,,საქრთველოს ბანკი", ,,პროკრედიტ ბანკი", ,,ბანკი რესპუბლიკა", მიკროსაფინანსო ორგანიზაცია ,,კრედო", მიკროსაფინანსო ორგანიზაცია ,,ლაზიკა კაპიტალი" და რეგიონის ფერმერები, ასევე მუნიციპალიტეტების გამგებლის მოადგილეები სოფლის მეურნეობის დარგში.
საბანკო-საფინანსო კომპანიებმა გამართეს პრეზენტაცია ფერმერთა აგროდაკრედიტების შესახებ თემაზე: აგრო - საკრედიტო პროდუქტები და პირობები, სესხის მიზნობრივი გამოყენება სასოფლო-სამეურნეო საქმიანობისა და მისი განვითარებისათვის.
შეხვედრის მიზანი იყო საკრედიტო ორგანიზაციების მიერ სოფლის მეურნეობის დარგის დაფინანსების მიმართ ფერმერთა ინტერესების გაზრდა.
შეხვედრა წარიმართა კითხვა-პასუხის რეჟიმში ფერმერთა განმარტებით მათთვის მნიშვნელოვანი იყო ეს შეხვედრა რადგან, მათ მიიღეს ყველა საინტერესო საკითხზე კომპეტენტური და ამომწურავი პასუხი. საბანკო-საფინანსო ორგანიზაციების მიერ შემოთავაზებული პირობებიდან მათთვის მისაღებია მიკროსაფინანსო ორგანიზაცია კრედოსა და საქართველოს ბანკის პირობები და მზად არიან თანმაშრომლობისათვის.
მასალის გამოყენების პირობები