აჭარის მთავრობა მინიმუმ 150 ნომრიანი სასტუმროს მშენებლობისათვის ინვესტორს ისევ ეძებს და ამ მიზნით სახელმწიფო საკუთრებაში არსებულ, შპს „ორბიტას" 100%-იან წილს განმეორებით აუქციონზე ყიდის. პირველად აუქციონზე ობიექტის საწყისი ღირებულება 1,5 მლნ ლარი იყო, თუმცა 1-ელი მაისისთვის ჩანიშნულ აუქციონზე „ორბიტას" საწყისი ღირებულება 1 მლნ ლარადაა განსაზღვრული.
პირობებიანი აუქციონის მიხედვით, ინვესტორი ვალდებულია სასტუმროს მშენებლობა ნასყიდობის ხელშეკრულების გაფორმებიდან 12 თვის ვადაში დაიწყოს და არანაკლებ 150 ნომერზე გათვლილი სასტუმრო კომპლექსი, 36 თვის ვადაში, ექსპლუატაციაში შეიყვანოს.
