აჭარის მთავრობა ხელვაჩაურის ხილბოსტანსაცავს" ყიდის. ობიექტის საწყისი ღირებულება 180 ათასი ლარია და მისი გაყიდვა 7 მაისისთვის ჩანიშნულ ელექტრონულ აუქციონზე იგეგმება.
აუქციონის პირობების თანახმად, მყიდველი ვალდებულია ხელშეკრულების გაფორმებიდან 30 კალენდარული დღის ვადაში შპს ''ხელვაჩაურის ხილბოსტანსაცავის" საგადასახადო დავალიანება გადაიხადოს, რომელიც 30.03.2012 წლის მდგომარეობით 44 353 ლარს შეადგენს და რომელსაც ყოველ ვადაგადაცილებულ დღეზე საურავი ერიცხება.