21 აპრილს საქართველოს სომხეთის ბიზნეს დელეგაცია სტუმრობს, რომელსაც სომხეთის ეკონომიკის მინისტრის მოადგილე რობერტ ჰარუტინიანი ხელმძღვანელობს.
ეროვნული საინვესტიციო სააგენტოს ინფორმაციით, 12 საათზე სასტუმროში "ქორთიარდ მარიოტი" გაიმართება საქართველოს ბიზნეს კლიმატისა და საექსპორტო პოტენციალის პრეზენტაცია, რომელსაც დაესწრება 40-მდე ბიზნესმენი სომხეთის რესპუბლიკიდან. დღის მეორე ნახევარი დაეთმობა ინდივიდუალურ შეხვედრებს ქართული კომპანიების წარმომადგენლებთან.
ვიზიტის ფარგლებში 21-22 აპრილს სასტუმროში "ქორთიარდ მარიოტი" ასევე დაგეგმილია სომხეთის რესპუბლიკის სავაჭრო-სამრეწველო გამოფენა "BRIDGE EXPO". გამოფენაზე საკუთარ პროდუქციას წარმოადგენენ სომხური კომპანიები შემდეგი სექტორებიდან: სოფლის მეურნეობა, ინფორმაციული ტექნოლოგიები, ქიმიური მრეწველობა, ტრანსპორტი და ლოგისტიკა, პარმაცევტიკა, მშენებლობა, საიუველირო ნაწარმი, სამკერვალო ინდუსტრია და ტურიზმი.