მსოფლიო ეკონომიკის კრიზისის ყველაზე საშიში ეტაპი დადგება მაშინ, როდესაც ცენტრალური ბანკების პროგრამების მოქმედების ვადები დასრულდება, - ამის შესახებ Deutsche Bank-ის ანალიტიკოსების მოხსენებაშია ნათქვამი.
15 სახელმწიფოს სვოპების ინდექსი, მათ შორის ესპანეთისა და იტალიის - Markit iTraxx SovX Western Europe Index მარტში 26 %-ით გაიზარდა, მაშინ, როდესაც სახელმწიფო ვალების კრიზისი კვლავ გამწვავდა.
Deutsche Bank-ის მოხსენებაში აღნიშნულია, რომ გადახდის უუნარობამ და ვალების დაბრუნების შეუძლებლობამ, შესაძლოა, მომავალი 5 წელი საკმაოდ მძიმე პერიოდათ აქციოს. ანალიტიკოსები აცხადებენ, რომ ყველაფერი დამოკიდებულია იმაზე, თუ კიდევ რამდენხანს იქნება შესალებელი ახალი ფულის ბეჭდვა. ისინი ასევე აღნიშნავენ, რომ ახალმა შემოდინებებმა ვერ შეძლო ეკონომიკური ზრდის ტენდენციის შენარჩუნება და ეკონომიკურ პროცესებში მხოლოდ გარკვეული ამოსუნვა უზრუნველყო. მოხსენების გამოქვეყნების პარალელურად, ფინასისტმა ჯორჯ სოროსმა განაცხადა, რომ ევროპის ლიდერების ამჟამინდელმა პოლიტიკამ, შესაძლოა, ევროპა კატასტროფამდე მიიყვანოს. იგი შეშფოთებას გამოთქვამს იმის გამო, რომ ევროკავშირში მაღალია ნაციონალური გადაწყვეტილებების "გაქანება", მაშინ როდესაც აუცილებლობას წარმოადგენს პრობლემის დაძლევა საერთო ევროპული ინტერესებიდან გამომდინარე.