დღეს, 20 აპრილს, შესაძლოა, ფინანსთა სამინისტროს ყოფილი შენობის ახალი მფლობელი გამოვლინდეს. სახელმწიფო მომსახურების ბიურო, ი.აბაშიძის ქუჩა №70-ში მდებარე, ფინანსთა სამინისტროს ყოფილ შენობას ყიდის და ელექტრონულ აუქციონზე შენობის საწყისი ღირებულება 6,9 მლნ. ლარადაა განსაზღვრული.
პირობებიანი აუქციონის თანახმად, ინვესტორი ვალდებულია გასაყიდი თანხიდან 3 მლნ ლარი აუქციონის დასრულებიდან ერთი თვის განმავლობაში დაფაროს, ხოლო დარჩენილი თანხა კი 2012 წლის 1-ელ დეკემბრამდე გადაიხადოს.
პირობების თანახმად, მყიდველმა გასაყიდ ობიექტზე გაწეული დაცვის ხარჯიც უნდა აანაზღაუროს.
ი.აბაშიძის ქუჩა №70-ში მდებარე უძრავი ქონება 7 613 კვ.მ. მიწის ნაკვეთი და მასზე განთავსებული 9 ერთეული შენობა-ნაგებობას აერთიანებს. შენობების საერთო ფართი 7 997,38 კვ.მ.-ია.
