გადასახადის დარიცხვის საფუძველი საჯარო რეესტრის ინფორმაციაც გახდება. ამის შესახებ ცვლილებები "საგადასახადო კდოექსში" შედის.
კანონის მოქმედი რედაქციით, გადასახადის დარიცხვის საფუძველებია საგადასახადო დეკლარაცია; ფინანსთა მინისტრის მიერ დადგენილი წესით განხორციელებული საგადასახადო ანგარიშგება; საგადასახადო შემოწმების აქტი; საგადასახადო ორგანოსთვის სხვა მაკონტროლებელი ან სამართალდამცავი ორგანოების მიერ მიწოდებული ინფორმაცია პირის საგადასახადო ვალდებულების შესახებ და ა.შ..
ცვლილებების თანახმად კი, გადასახადის დარიცხვის საფუძველებს, მიწაზე ქონების გადასახადის დარიცხვის მიზნებისათვის, საგადასახადო ორგანოსთვის საჯარო რეესტრის ეროვნული სააგენტოს მიერ მიწოდებული ინფორმაციაც ემატება.
კანონპროექტის ინიციატორი მთავრობაა და მისი განხილვა საპარლამენტო კომიტეტებში, პირველი მოსმენით მიმდინარეობს.