ხვალ, 20 აპრილს, 12 საათზე ვაზისუბნის მეორე მიკრო რაიონში მდენარე სავაჭრო ცენტრ „სმარტში" ვისოლ ჯგუფი და საქართველოს ბანკი თანამშრომლობის მემორანდუმს მოაწერენ ხელს, რის საფუძველზეც „სმარტის" ყველა სუპერმარკეტში საქართველოს ბანკის ექსპრესის სერვისცენტრები განთავსდება.
"სმარტი" ძირითადად სავაჭრო ცენტრებად ყალიბდება და მომხმარებლებს საშუალება აქვთ არა მხოლოდ უმალესი ხარისხის პროდუქტების ფართო არჩევანითა და მომსახურების მაღალი ხარისხით ისარგებლონ, არამედ მარტივად მიიღონ მათთვის საჭირო დამატებითი მომსახურება. საქართველოს ბანკის ექსპრესის სერვისცენტრებში მომხმარებელი მიიღებს სწრაფ და მოსახერხებელ მომსახურებას, მისთვის ყველაზე ხელსაყრელ ადგილას. მომხმარებელს შესაძლებლობა ექნება, 24 საათის განმავლობაში, ნებისმიერ დროს განახორციელოს საბანკო ოპერაციები.
საქართველოს ბანკის ექსპრესის ქსელი სადღეისოდ წარმოდგენილია 12 სერვისცენტრით.
„სმარტის" სავაჭრო ცენტრები დღესდღეობით წარმატებით ფუნქციონირებს აღმაშენებლის ხეივნის მე-13 კილომეტრზე, ვაზისუბნის მეორე მიკრორაიონში, მარნეულში, ყვარელსა და ჩქაროსნული ავტომაგისტრალის გორის მონაკვეთზე.
