არყის აქციზის გაზრდასთან დაკავშირებით კანონპროექტში ტექნიკური შეცდომაა. ამის შესახებ ჟურნალისტებთან ფინანსთა მინისტრის მოადგილემ რუსუდან კემულარიამ განაცხადა.
მისი თქმით, არც არაყზე და არც ბუნებრივი აირის კონდესანტზე, აქციზის განაკვეთების გაზრდა არც იგეგმება.
"აქციზის განაკვეთის გაზრდის საკითხი მთავრობას, არც განუხილავს.
ეს ალბათ ტექნიკური ხარვეზია, რაც გასწორდება", - განაცხადა კემულარიამ.
მისი განმარტებით, აქციზის ცხრილი თავიდან მხოლოდ იმის გამო ყალიბდება, რომ ის hარმონიზაციაში მოვიდეს შესაბამის კონვენციასთან და შეცვლილ კოდებთან.
შეგახსენებთ, რომ ცვლილებების პროექტში წარმოდგენილ ცხრილში, აქციზის განაკვეთად 1 ლიტრ არაყზე 3 ლარის ნაცვლად 5 ლარია მითითებული, ხოლო ბუნებრივი აირის კონდესანტზე, 1000 მ/3 -ზე 80 ლარის ნაცვლად, 1 ტონაზე 120 ლარი.