ქართული ბიზნეს სექსტორი წლის მნიშვნელოვანი მოვლენისთვის ემზადება. ეროვნული ბიზნესდაჯილდოებაზე „მერკური 2012" წარგდენილ 2 ნომინაციაში - გამარჯვებულის გამოსავლენად ხმის მიცემა ხვალ, 20 აპრილიდან დაიწყება და 12 მაისამდე გაგრძელდება. მომხარებლების რჩეულთა ვინაობა "მერკური 2012"-ზე ჟიურის გადაწყვეტილებასთან ერთად გახდება ცნობილი.
ვებ გვერდზე (http://www.mercuryaward.ge/) სტუმრები წლის სასურველ დამსაქმებელ კომპანიასა და წლის მეწარმეს გამოვლენენ. თითო ნომინაციაში წარდგენილი კომპანიბიდან მსურველებმა მხოლოდ ერთი უნდა აირჩიონ. წარდგენილ კომპანიებში მოლოდინი დიდია, რადგან გადაწყვეტილებას თავად მომხმარებლები იღებენ.
ბიზნესდაჯილდოებაზე სს „საქკაბელიც" მონაიწლობს. ის ამჯერად წლის მეწარმის ტიტულისთვის იბრძოლებს.
„მერკური 2012" ერთ-ერთ პრესტიჟული და მასშტაბური ბიზნესდაჯილდოებაა. ეს აუცილებელია მცირე და საშუალო ბიზნესის წახალისებისთვისაც. წელს ჩვენ ვმონაწილეობთ. იმედი გვაქვს მომხმარებელი დაგვასახელებს წლის საუკეთესო მწარმოებლად. ყველაფერი ხომ მათზეა დამოკიდებული, ჩვენი სურვილი დიდია" - აღნიშნავს სს „საქკაბელის" სამეთვალეყურეო საბჭოს თავმჯდომარე ედიშერ მამალაძე.
საქართველოს ეროვნული ბიზნესდაჯილდოების "მერკური 2012'-ის ორგანიზატორები არიან საქართველოს ეკონომიკისა და მდგრადი განვითარების სამინისტრო, საქართველოს ეროვნული საინვესტიციო სააგენტო, საქართველოს სავაჭრო-სამრეწველო პალატა და „კაუკასუს ონლაინი". წელს ნომინაციათა რიცხვი გაზრდილია და შეადგენს 18 ნომინაციას, ხოლო შეფასების სისტემის მაქსიმალური ობიექტურობისა და გამჭვირვალობის უზრუნველსაყოფად ნომინანტების შეფასების პროცესში ჩართულები არიან გავლენიანი ამერიკული გამომცემლობის "Forbes" და "ბი სი ჯი" კვლევითი ინსტიტუტის წარმომადგენლები.
შეგახსენებთ, რომ „საქკაბელი" 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს.. 2006-2007 წლებში ქარხანაში 3 მილიონი დოლარის ინვესტიცია განხორციელდა. 2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში. საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.