მსოფლიოში ნავთობი შესაძლოა 30 %-ით გაძვირდეს. ირანიდან ნავთობის მიწოდების შეწყვეტის შემთხვევაში, ნავთობის ფასი 20-30 %-ით გაიზრდება, ამის შესახებ განცხადება სსფ-ს დირექტორ-განმკარგულებელმა ქრისტინ ლაგარდმა გააკეთა.
"სრულიად ნათელია, რომ ირანიდან ნავთობის მიწოდების დარღვევა გამოიწვევს ფასების ზრდას გარკვეული პერიოდით. მოულოდნელი და მკვეთრ ზრდას მსოფლიო ეკონომიკისათვის სერიოზული შედეგები ექნება, იმ დრომდე ვიდრე სხვა ექსპორტიორი ქვეყნები არ შეავსებენ წარმოქმნილ დეფიციტს"- განაცხადა ლაგარდმა.
აღსანიშნავია, რომ ირანი დღეში 2,5 მლნ ბარელი ნავთობის ექსპორტს ახორციელებს, რომლის 65 %-ი აზიაში, ხოლო 30 %-ი ევროპაში იგზავნება. ირანი საუდის არაბეთის შემდეგ ოპეკის წევრ ქვეყნებში ნავთობის მეორე მსხვილი ექსპორტიორია.
თავის მხრივ ირანის ისლამური რესპუბლიკის ნავთობის მინისტრ რუსტამ ყასემიმ განაცხადა, რომ ხანგრძლივი დროით არაბეთს არ შეეძლება მსოფლიოს ბაზრებში ირანის ნავთობდეფიციტის ანაზღაურება
საგულისხმოა, რომ რეგიონის მაშტაბით ირანი ნავთობპროდუქტების ფასის განმსაზღვრელი ხდება. ამის შესახებ ირანის ვიცე-პრეზიდენტმა მუჰამედ რეზა რაჰიმიმ თეირანში ნავთობის ინდუსტრიის მე-17 საერთაშორისო გამოფენის გახსნაზე განაცხადა.
ვიცე-პრეზიდენტმა აღნიშნა, რომ ირანი ნავთობინდუსტრიაში ინვესტორებს იწვევს.
"ისლამური რესპუბლიკა ყველა იმ ირანელ და უცხოელ ინვესტორს იხმობს, რომელნიც დაინტერესებული არიან ირანის ნავთობინდუსტრიის სხვადასხვა პროექტებში მონაწილეობით", - განაცხადა მუჰამედ რეზა რაჰიმიმ.
Georgian.irib.ir .-ის ინფორმაციით, ნავთობინდუსტრიის მე-17 გამოფენაში ირანის და მსოფლიოს 44 სახელმწიფოს დაახლოებით 1255 კომპანია მონაწილეობს.