აჭარა ბათუმი-იზმირის ბიზნესფორუმს უმასპინძლებს. 3 მაისს, 10:00 საათზე, სასტუმრო "ბათუმის შერატონში" ბათუმი-იზმირის ბიზნესფორუმი გაიმართება, რომელშიც მონაწილეობას მიიღებენ თურქეთის მხრიდან ქ. იზმირის სავაჭრო-სამრეწველო პალატის წევრი კომპანიები, ხოლო აჭარის მხრიდან - ადგილობრივი მთავრობისა და კერძო ბიზნესსექტორის წარმომადგენლები.
აჭარის სავაჭრო პალასაში განმარტავენ, რომ იზმირის დელეგაცია 90 კაცისგან შედგება და მასში შემავალი ბიზნესმენები ეკონომიკის, სოფლის მეურნეობის, სამშენებლო, ტურიზმისა და ტექსტილის სფეროში მოღვაწეობენ. მათი მიზანია საქართველოში ინვესტირება და ბიზნესპარტნიორების მოძიება.
ფორუმის განმავლობაში დაგეგმილია პრეზენტაციები და ორმხრივი შეხვედრები. შეხვედრებში დელეგაციის 53 წევრი მიიღებს მონაწილეობას.თურქულ კომპანიებს შესაძლებლობა ექმნებათ, მოლაპარაკებები გამართონ შესაბამისი სექტორის მიხედვით პოტენციურ ბიზნესპარტნიორებთან და მთავრობის წარმომადგენლებთან.
