2011 წლის ძირითადი მონაცემებით, 2011 წელს "ვენის სადაზღვევო ჯგუფის" საერთაშორისო რეიტინგი Standard&Poor's-მა A+ სტაბილურამდე ასწია. იმავდროულად, ჯგუფის შემოსავლები(გადასახადებამდე) რეკორდულად 10.1%-ით გაიზარდა. 2011 წელს ჯგუფის მიერ მოზიდული პრემიის ოდენობამ 9 მლნ ევრო შეადგინა. გასული წლის მონაცემებით, ჯგუფის დივიდენდის ზრდა 10%-ით დაფიქსირდა - 1.10 ევრო თითო აქციაზე.
"ვენის სადაზღვევო ჯგფუფში" განმარტავენ, რომ ჯგუფის ზრდის დინამიკა უსწრებს აღმოსავლეთ ევროპის ბაზრის ზრდის ზოგად დინამიკას
"ვენის სადაზღვევო ჯგუფის სტრატეგიაა, მიაღწიოს ზრდის მაღალ ტემპს და ამავდროულად შეინარჩუნოს შემოსავლების ზრდაც. 2011 წელს ჩვენ შევძელით ამ ორივე ამოცანის შესრულება, მიუხედავად იმისა, რომ ფინანსური მდგომარეობა ევროპის ბაზრებზე საკმაოდ არასახარბიელო იყო. Standard&Poor's-მა კიდევ ერთხელ დაადასტურა ჩვენი რეიტინგი A+ სტაბილური, რაც იმის მანიშნებელია,რომ ვენის სადაზღვევი ჯგუფის ფინანსური მდგომარობის სიმყარეზე და ფინანსურ სიძლიერეზე მიუთითებს. "- აცხადებს „ვენის სადაზღვევო ჯგუფის" აღმასრულებელი დირექტორი გიუნტერ გეიერი.
საქართველოს ბაზარზე "ვენის სადაზღვევი ჯგუფი" 2006 წელს შემოვიდა და "ჯიპიაი ჰოლდინგის" აქციონერი გახდა, ხოლო 2007 წელს - მეორე კომპანია - "ირაო" შემოიერთა. მულტიბრენდული სტრატეგიას ჯგუფის რამდენიმე ქვეყანაში ეყრდნობა, მათ შორის საქართველოში.
2011 წელს "ვენის სადაზღვევო ჯგუფმა" საქართველოში ერთ-ერთი უმსხვილესი საინვესტიციო პროექტი განახორციელა და პირდაპირი უცხოური ინვესტიციის სახით 11 მილიონი ევრო მოიზიდა ორივე კომპანიისთვის. "ირაოსა" და "ჯიპიაი ჰოდლინგის" ადგილობრივ სახსრებთან ერთად, რამაც ჯამში 46 მილიონი ლარი შეადგინა, მოზიდული ინვესტიცია ჰოსპიტალური განვითარების პროექტს მოხმარდა. პროექტის ფარგლებში "ჯიპიაი ჰოლდინგმა" საქართველოს 10 რაიონში 10 საავადმყოფო ააშენა, ხოლო "ირაომ" - 6.
"ვენის სადაზღვევო ჯგუფი" ავსტრიის საფონდო ბირჟაზე უმაღლესი რეიტინგის მქონე კომპანიაა და ერთ-ერთ წამყვან სადაზღვევო ჯგუფს წარმოადგენს ცენტრალურ და აღმოსავლეთ ევროპაში. ავსტრიის გარდა "ვენის სადაზღვევო ჯგუფი" 50 კომპანიას ფლობს და მართავს ევროპის 23 ქვეყანაში - ალბანეთში, ბოსნია-ჰერცოგოვინაში, ბულგარეთში, გერმანიაში, ესტონეთში, საქართველოში, ხორვატიაში, ლატვიაში, ლიხტენშტეინში, ლიტვაში, მაკედონიაში, მონტენეგროში, პოლონეთში, რუმინეთში, რუსეთში, სერბეთში, სლოვაკეთში, ჩეხეთში, თურქეთში, უნგრეთში, უკრაინასა და ბელორუსში. Standart&poors-ის რეიტინგი - A+.