დღეს, 12 აპრილს 17:00 საათზე „საქართველოს ახალგაზრდობის სახლში" „დედაენის დღე" აღინიშნება. ღონისძიების ფარგლებში სახლის აღსაზრდელები სტუმრებისთვის (მწერლები, პოეტები, საზოგადო მოღვაწეები და თბილისის მერიის წარმომადგენლები) წაიკითხავენ ლექსებს და სიმღერებს იმღერებენ. მანამდე კი, მწერალთა კავშირის თავმჯდომარე მაყვალა გონაშვილი მოსწავლეებს თემატურ ლექცია-სემინარს ჩაუტარებს.
ორგანიზატორების ინფორმაციით, „დედაენის დღესთან" დაკავშირებით სსიპ „საქართველოს ახალგაზრდობის სახლის" ადმინისტრაცია სასახლის 4 პედაგოგებს დაჯილდოება. ასევე, ქ. თბილისის მერიის სოციალური მომსახურებისა და კულტურის საქალაქო სამსახურის უფროსი მამუკა ქაცარავა სპეციალური პრემიით მწერალთა კავშირის რამდენიმე წევრს დააჯილდოებს.
ახალგაზრდობის სახლში „დედაენის დღე" ყოველწლიურად აღინიშნება. ტრადიციისამებრ, ამ დღეს სახლის აღსაზრდელები სხვადასხვა სახის ღონისძიებებს მართავენ.