ჯანდაცვის სამინისტრო, მედიაციის სამსახურის გაძლიერებისთვის, მედიაციის სამსახურის ხელმძღვანელის პოსტზე ვაკანსიას აცხადებს.
,,ჩვენი მიზანია ჯანდაცვის სამინისტროს მედიაციის ცენტრის უფრო მეტად გაძლიერება. ამისათვის ჩვენ ვაცხადებთ ვაკანსიას სამსახურის უფროსის პოსტზე და აგრეთვე, თანამშრომლების ვაკანსიებზე მაღალკვალიფიციური კადრის მოსაზიდად. რადგან ჩვენი ამოცანაა იმ პირობებში, როდესაც სახელმწიფოს მიერ დაზღვეულთა რაოდენობა ქვეყანაში ყოველდღიურად იმატებს და 2012 წლის ბოლოსათვის, დაზღვეულთა საერთო რაოდენობა 2 მილიონს გადააჭარბებს, ჩვენ გვქონდეს გამართული სამსახური, რომელიც ჩვენს მოქალაქეებს მოემსახურება", _ განაცხადა ჯანდაცვის მინისტრმა ზურაბ ჭიაბერაშვილმა.
