აჭარის მთავრობა თამბაქოს პირველადი გადამუშავების საწარმოს შექმნას ისევ ცდილობს. აჭარის ფინანსთა და ეკონომიკის სამინისტრო, განმეორებით, პირობებიან ელექტრონულ აუქციონზე დაბა ქედაში, 9 აპრილის ქუჩა №8-ში მდებარე 2025,15 კვ.მ შენობა-ნაგებობის და მასზე მიმაგრებული 6559 კვ.მ არასასოფლოსამეურნეო მიწის ნაკვეთს ყიდის. ობიექტის საწყისი ღირებულება 124 ათასი ლარია.
საპრივატიზაციო პირობების თანახმად, აღნიშნულ ტერიტორიაზე მყიდველმა 2012 წლის 25 დეკემბრამდე თამბაქოს პირველადი გადამუშავების, მზა პროდუქციის საწარმოს შექმნა უნდა უზრუნველყოს. იმავდროულად, საწარმოს შექმნიდან მომდევნო 1 თვის განმავლობაში, წარმოებაში საქართველოს არა ნაკლებ 15 მოქალაქე დაასაქმოს. პირობების თანახმად, ინვესტორი ვალდებულია, საწარმო და დასაქმებულთა რაოდენობა 5 წლის განმავლობაში შეინარჩუნოს. ობიექტის გასხვისების მიზნით, პირობებიანი აუქციონი 23 აპრილსაა ჩანიშნული.
შეგახსენებთ, რომ აჭარის მთავრობას თამბაქოს პირველადი გადამუშავების საწარმოს შექმნის პირველადი მცდელობა უკვე ჩაეშალა.
