ინტელექტუალური საკუთრების მსოფლიო ორგანიზაციის და საქართველოს ინტელექტუალური საკუთრების ეროვნული ცენტრის ორგანიზებით თბილისში რეგიონალური სემინარი იმართება. სემინარზე, რომელშიც მსოფლიოს 18 ქვეყნის წარმომადგენელი იღებს მონაწილეობას, გარდამავალი ეკონომიკის ქვეყნებში ტექნოლოგიების გადაცემის პრობლემების შესახებ იმსჯელებენ.
ინტელექტუალური საკუთრების მსოფლიო ორგანიზაციის ექსპერტები სემინარის მონაწილეებს ტექნოლოგიების გადაცემის ინსტრუქციის შესამუშავებლად გარკვეულ რეკომენდაციებს მისცემენ.
შეხვედრა "საქპატენტის" თავმჯდომარემ ირაკლი ღვალაძემ და ინტელექტუალური საკუთრების მსოფლიო ორგანიზაციის პროგრამის ოფიცერმა ილია გრიბკოვმა გახსნეს. სემინარში მონაწილეობას უცხოეთის ქვეყნების ინოვაციების გადაცემის ცენტრების წარმომადგენლები, საერთაშორისო ექსპერტები, საქპატენტის და უმაღლესი სასწავლებლების წარმომადგენლები იღებენ. ორდღიანი სემინარი სასტუმრო "ჰოლიდეი ინ-ში" ტარდება.