ხელნაწერთა ეროვნული ცენტრი აცხადებს კონკურსს ქართველი მეცნიერების, კორნელი კეკელიძისა და ილია აბულაძის სახელობის სტიპენდიების მოპოვების მიზნით.
ილია აბულაძის სახელობის სტიპენდია განკუთვნილია საქართველოს ავტორიზებული და ავტორიზებულად მიჩნეული უმაღლესი საგანმანათლებლო დაწესებულებების მაღალი აკადემიური მოსწრების (81 ქულიდან ზემოთ) ნებისმიერი ფაკულტეტის ბაკალავრიატის სტუდენტებისთვის, რომელთაც გავლილი აქვთ აღნიშნული საფეხურის არანაკლებ ორი კურსი და სამეცნიერო ინტერესთა სფერო შეესაბამება კონკურსის მიზანს, ასევე ნებისიერი ფაკულტეტის მაგისტრანტებისთვის.
სტიპენდიების მაძიებლებმა დოკუმენტაცია უნდა წარმოადგინონ ხელნაწერთა ეროვნულ ცენტრში ელექტრონულ მისამართზე stipendium@manuscript.ac.ge .
კონკურსის მიზანია: საქართველოს უმაღლესი სასწავლებლების სტუდენტთა სამეცნიერო-კვლევითი მუშაობის წახალისება იმ დარგებში, რომელიც შეესაბამება ხელნაწერთა ეროვნული ცენტრის ძირითად სამეცნიერო-კვლევით მიმართულებებს (ძველი ქართული ფილოლოგია, წყაროთმცოდნეობა, არქივთმცოდნეობა, ხელნაწერი წიგნის კულტურა); კორნელი კეკელიძისა და ილია აბულაძის მიერ დაფუძნებული სამეცნიერო ტრადიციების გაგრძელების ხელშეწყობა.
თითოეული სახელობითი სტიპენდია კონკურსის წესით გაიცემა ერთ სტუდენტზე - 100 ლარი, ყოველთვიურად ერთი სემესტრის განმავლობაში.
კონკურსს ილია აბულაძისა და კორნელი კეკლიძის სახელობითი სტიპენდიების მოსაპოვებლად ხელნაწერთა ეროვნული ცენტრის დირექტორის ბრძანებით დამტკიცებული საკონკურსო კომისია ატარებს.
განცხადებები მიიღება 10 მაისის ჩათვლით.