კომპანია „პორტო Fim"-ი ბათუმში მასშტაბური ტურისტული პროექტის განხორციელებას იწყებს. საუბარია 3 ვარსკვლავიანი სასტუმროს მშენებლობაზე.
როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროში განუცხადეს, სამინისტროსა და კომპანია „პორტო Fim"-ს შორის ტურისტულ ინფრასტრუქტურის განვითარების მიზნით ერთ-ერთი მნიშვნელოვანი ხელშეკრულება გაფორმდა.
ხელშეკრულების მიხედვით, „პორტო Fim"-ი ვალდებულია ბათუმში, კახაბრის დასახლებაში მდებარე 36 400 კვ.მ. არასასოფლო-სამეურნეო დანიშნულების მიწის ნაკვეთზე, ქონების ღირებულებას გადაიხდისა და მიწის ნაკვეთის თავისუფალ მდგომარეობაში გადაცემის მიღება-ჩაბარების აქტზე ხემოწერიდან 30 კალენდარული დღის ვადაში, მიღება-ჩაბარების აქტზე ხემოწერიდან 12 თვის ვადაში, სასტუმროს საპროექტო დოკუმენტაციის მომზადებას უზრუნველყოს. სამინისტროში განმარტავენ, რომ „პორტო Fim"-ი ვალდებულია მიღება-ჩაბარების აქტზე ხემოწერიდან 30 თვის ვადაში არანაკლებ 3 ვარსკვლავიანი, მინიმუმ 110 ნომერზე გათვლილი სასტუმროკომპლექსის მშენებლობა დაასრულოს.
პირობების თანახმად, პროექტის დასრულებისა და სასტუმროს ოპერირების დაწყების შემდეგ, სასტუმროში დასაქმებულთა 90% საქართველოს მოქალაქეები უნდა იყვნენ.
