ყველაზე გემრიელი შეთავაზება „სმარტის" წარმოების სააღდგომო პასკაა. ტრადიციული პასკის გარდა „სმარტი" მომხმარებელს სადღესასწაულო შოკოლადისა და კარამელის პასკებს სთავაზობს და რაც ყველაზე მნიშვნელოვანია, პასკების ღირებულება 4,5 ლარიდან იწყება.

„სმარტი" მომხმარებელს „სავანეთის" წარმოებულ კვერცხზე ექსკლუზიურ ფასს სთავაზობს. სადღესასწაულო განწყობის შესაქმნელად ქართული და უცხოური წარმოების ასაწონ შოკოლადებზეც „სმარტში" 15% ფასდაკლებაა.
„გვინდა „სმარტის" ერთგულ მომხმარებელს აღდგომის ბრწყინვალე დღესასწაული მივულოცოთ და სადღესასწაულო განწყობის შესაქმნელად სპეციალური აქციები შევთავაზოთ. ვფიქრობთ, მომხმარებლისთვის ყველაზე სასურველი „სმარტის" წარმოების სადღესასწაულო პასკები იქნება, რადგან ნატურალური ინგრედიენტებისგან მომზადებული პასკები განსაკუთრებულად გემრიელია და ფასიც მიმზიდველი აქვს", - აცხადებენ „სმარტში".

„სმარტი" გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. დღესდღეობით „სმარტს" დაახლოებით 15 ექსკლუზიური კონტრაქტი აქვს ევროპელ მომწოდებლებთან. ვისოლ ჯგუფმა „სმარტის" ქსელის განვითარება 2010 წელს დაიწყო. „სმარტის" სუპერმარკეტები დღესდღეობით წარმატებით ფუნქციონირებს აღმაშენებლის ხეივნის მე-13 კილომეტრზე, ვაზისუბნის მეორე მიკრორაიონში, მარნეულში, ყვარელსა და ჩქაროსნული ავტომაგისტრალის გორის მონაკვეთზე.