სოფლის მეურნეობის მინისტრი ზაზა გოროზია აბაშის რაიონში მიმდინარე საგაზაფხულო სასოფლო-სამეურნეო სამუშაოებს დაესწრო. მინისტრმა მექანიზაციის ადგილობრივი მომსახურების ცენტრის მშენებლობის პროცესი ადგილზე მოინახულა.
ახალი ტექნიკით დამუშავებული მიწებიდან მოსავლიანობა 20%-ით გაიზრდება. 126 მოდერნიზებული, ბელორუსიული წარმოების ტრაქტორი რეგიონებში უკვე გაიგზავნა. პროფესიულ კოლეჯებში სპეციალური გადამზადება გაიარეს მექანიკოსებმა. წელს საქართველოში მეტი მიწა დამუშავდება, რაც ადგილობრივი პროდუქციის წარმოებასა და შესაბამისად, მოსახლეობის შემოსავლების ზრდას შეუწყობს ხელს.
ტექნიკის შეძენა და რეგიონებში გადანაწილება გაგრძელდება და ოთხ ეტაპად განხორციელდება. წლის ბოლოს კი ქვეყანას 600 ერთეული ახალი ტექნიკა ექნება, 1200 მისაბმელი გუთნით.
მასალის გამოყენების პირობები
