საჰაერო მიმოსვლის შესახებ შეთანხმება არაბთა გაერთიანებულ საემიროებსა და კუვეიტთან გაფორმდა. არაბთა გაერთიანებული საემიროების სამოქალაქო ავიაციის ხელისუფლების გენერალურ დირექტორ საიფ მუჰამედ ალ-საუვაიდთან და კუვეიტის სახელმწიფოს სამოქალაქო ავიაციის უწყების პრეზიდენტ ფავაზ ალ-ფარაჰთან გაფორმებული შეთანხმებები ეფუძნება ლიბერალურ ე.წ. "ღია ცის" პრინციპს და საშუალებას იძლევა ამ ქვეყნების ავიაკომპანიებმა საავიაციო ბაზარზე არსებული მოთხოვნის შესაბამისად თავად განსაზღვრონ ტარიფები, დანიშნულების პუნქტები, საჰაერო ხომალდის ტიპები, ტევადობა და სიხშირე.
ორივე დოკუმენტი ძალაში მხარეთა მიერ მათი რატიფიცირების შემდეგ შევა და ხელს შეუწყობს ქვეყნებს შორის ეკონომიკური ურთიერთოებების გაღრმავებას, მგზავრთა გადაყვანას, ტვირთების გადაზიდვასა და ტურიზმის განვითარებას.
