სულ მალე, ბათუმში 3-4 ვარსკვლავიანი სასტუმრო აშენდება. "იბისის" ტიპის სასტუმროს კომპანია "ენვილ ბათუმი" ააშენებს. აჭარის მთავრობასა და "ენვილ ბათუმს" შორის ხელშეკრულება დღეს დღის ბოლომდე გაფორმდება. წინასწარი ინფორმაციით, სასტუმრო დაახლოებით 200 ნომერზე იქნება გათვლილი და ის ახალი ბულვარის მიმდებარე ტერიტორიაზე აშენდება.
როგორც აჭარის მთავრობის მეთაური ლევან ვარშალომიძე განმარტავს, რეგიონში ახალი სასტუმროების მშენებლობისათვის ინვესტორების მხრიდან ინტერესი არსებობს.
"სასტუმროს ქსელის ინვესტორების გაძლიერება კიდევ ერთი მაჩვენებელია, რომ რეგიონის მიზიდულობა დიდია და ის კიდევ უფრო გაიზრდება"- აცხადებს ლევან ვარშალომიძე.
