სოფლის მეურნეობის მინისტრი ზაზა გოროზია თეთრიწყაროს მუნიციპალიტეტის სოფელ კოდაში მეფრინველეობის ფაბრიკა „დილის პროდუქტებს" ეწვია და თანამშრომლებს შეხვდა. სააღდგომო სამზადისთან დაკავშირებით მინისტრი პროდუქციის ფასებსა და არსებული რეზერვის რაოდენობას ადგილზე გაეცნო.
„დღეს წარმოებული კვერცხის რაოდენობა ბაზარზე არსებულ მოთხოვნას აღემატება. ჩვენ გვქონდა მწარმოებლებთან საუბარი და წინასწარ დავიჭირეთ თადარიგი, რათა სააღდგომოდ კვერცხის ფასი არ გაიზარდოს და ეს მძიმედ არ დააწვეს ჩვენს მოსახლეობას. მომავალშიც შესაძლებელი იქნება, ნელ-ნელა მოხდეს კვერცხის ფასის კლება", - განაცხადა გოროზიამ ჟუნალისტებთან საუბრისას.
კოდის მეფრინველეობის ფაბრიკა „დილის პროდუქტები" 10 მლნ კვერცხის წარმოება- რეალიზაციას ახორციელებს. სააღდგომოდ კვერცხის ფასი სტაბილურად იქნება შენარჩნებული და სარეალიზაციო ობიქტები ინტენსიურად მომარაგდება.
