"ქრისტიან-დემოკრატები,, მოსახლეობის ოკუპირებულ ზონაში არსებული სახნავ-სათესი მიწების გადასახადისგან გათავისუფლებას ითხოვენ.
როგორც პარლამენტის დღევანდელ პლენარულს სხდომაზე მოძრაობის ლიდერმა გიორგი თარგამაძემ განაცხადა, მეოთხე წელია, რაც მოსახლეობა ოკუპირებულ ზონაში არსებული სახნავ-სათესი მიწების გადასახადს იხდის.
მისი თქმით, შიდა ქართლის მოსახლეობის ნაწილს, რომელთა სახნავ-სათესი მიწები 2008 წლის ომის შემდეგ ოკუპირებულ ზონაში მოექცა, სახელმწიფო მიწის გადასახადს მაინც აკისრებს.
თარგამაძის განმარტებით, საუბარია 520 ჰექტარ სახნავ-სათეს მიწაზე, რომლის ნაწილიც ადგილობრივი მოსახლეობის კუთვნილებაშია, ნაწილს კი იჯარით აქვს აღებული, თუმცა იმის მიუხედავად, რომ მეოთხე წელია, რაც მოსახლეობა ამ მიწების დამუშავებას ვერ ახერხებს, გადასახადს მაინც არიცხავენ. რის შედეგადაც, მოსახლეობას ყოველწლიურად 1000 ლარამდე ოდენობის დავალიანება უგროვდება.
~ქრისტიან-დემოკრატები~ გადასახადის მოხნასა და დავალიანების ჩამოწერას ითხოვენ.