მაისში "თიბისი ბანკი", საქართველოში პირველად, მომხმარებელს შესთავაზებს ყველაზე კომფორტული დისტანციური საბანკო მომსახურების - მობაილ ბანკის სპეციალურ ვერსიებს iPhone-ებისა და Android-ზე მომუშავე მობილური ტელეფონებისთვის.
ეს აპლიკაციები, რომელიც "თიბისი ბანკის" განახლებული და გაუმჯობესებული მობაილ ბანკისთვის შეიქმნა, iPhone-ებისა და Android ტელეფონების მომხმარებელს საშუალებას მისცემს, ნებისმიერ დროს, ნებისმიერი წერტილიდან დაუკავშირდნენ ბანკს და განახორციელონ მათთვის სასურველი ტრანზაქცია, ასევე მიიღონ უამრავი საბანკო და ფინანსური ინფორმაცია.
კერძოდ, "თიბისი ბანკის" მობაილ ბანკის აპლიკაციის საშუალებით, iPhone-ებისა და Android ტელეფონების მომხმარებლებს საშუალება ექნებათ შეამოწმონ საკუთარი ანგარიშები, გადაიხადონ კომუნალური გადასახადები, შეივსონ მობილურის ბალანსი, გადარიცხონ თანხები საქართველოს მასშტაბით, დაუკავშირდნენ ბანკის ქოლ-ცენტრს, გაეცნონ ვალუტის კურსს, სპეციალური ონლაინ რუქის მეშვეობით (Google Maps) გაიგონ, რა მანძილი აშორებთ მათ ამა თუ იმ მომენტში თიბისი ბანკის უახლოეს ფილიალთან ან/და ბანკომატთან...
"თიბისი ბანკის" ახალი მობაილ ბანკი პირველი სრულფასოვანი მობაილ ბანკი იქნება ქართულ საბანკო სივრცეში.
რაც მთავარია, მობაილ ბანკით სარგებლობა სრულიად უფასოა და არ საჭიროებს სპეციალური რეგისტრაციის გავლას - მობაილ ბანკში შესვლა შეგიძლიათ იგივე მომხმარებლის სახელითა და პაროლით, რომლითაც სარგებლობთ ინტერენტ ბანკის მომსახურებისას.
საჭიროა მხოლოდ ჩამოტვირთოთ შესაბამისი აპლიკაცია App Store-დან (iPhone-ებისთვს) ან Android Market-დან (Android ტელეფონებისთვის) და თქვენ უკვე გაქვთ საქართველოში ყველაზე მოქნილი და თანამედროვე მობაილ ბანკი, სასიამოვნო დიზაინითა და უამრავი ფუნქციით, რომლის ანალოგიც ქართულ ბაზარზე არ არსებობს.
აღსანიშნავია, რომ iPhone-ებისა და Android ტელეფონებისთვის შექმნილი სპეციალური აპლიკაცია მომხმარებლისთვის ხელმისაწვდომი 2012 წლის მაისში გახდება. წლის ბოლომდე კი ახალი მობაილ ბანკით სარგებლობას ყველა ის მომხმარებელი შეძლებს, ვის მობილურ ტელეფონსაც ინტერნეტ ბროუზერი აქვს - ასეთი კი ქართულ ბაზარზე არსებული მობილური ტელეფონების სრული უმრავლესობაა.
ყველა ამ სიახლის დანერგვა მიმდინარეობს "თიბისი ბანკის" ახალი პროექტის ფარგლებში, რომელიც მიზნად ისახავს დისტაციური საბანკო მომსახურების საუკეთესო მოდელის შექმნას რეგიონში და მომხმარებლისთვის სრულფასოვანი საბანკო მომსახურების მიწოდების შესაძლებლობას ნებისმიერ ადგილზე, 24 საათის განმავლობაში, კვირაში 7 დღე, ბანკში მიუსვლელად.
პროექტის პირველი ნაწილი იყო ულტრათანამედროვე ინტერნეტ ბანკის მომსახურება, რომელიც ბანკმა თებერვალში შესთავაზა მომხმარებელს და კლიენტების დიდი მოწონება დაიმსახურა.
iPhone-ებისა და Android ტელეფონებისათვის მობაილ ბანკის შექმნა ამ პროექტის მომდევნო ეტაპია, რომელსაც ბანკი მომხმარებელს ერთ თვეში შესთავაზებს.
