მთავრობა "აკადემიკოს ე. ფიფიას სახელობის სახალხო კლინიკური საავადმყოფოს" სახელმწიფო საკუთრებაში არსებულ 100% - იანი წილს ასხვისებს.
ობიექტის საწყისი ღირებულება 475 ათასი ლარია და მის გასხვისებას ეკონომიკისა და მდგრადი განვითარების სამინისტრო 12 აპრილისთვის ჩანიშნულ აუქციონზე გეგმავს.
ეკონომიკისა და მდგრადი განვითარების სამინისტროს ინფორმაციით, შპს ,,აკადემიკოს ე. ფიფიას სახელობის სახალხო კლინიკური საავადმყოფოს"
კაპიტალი (27.03.2012 წლის მდგომარეობით) - 471 689 ლარადაა შეფასებული, ხოლო მისი კრედიტორული დავალიანება (28.03.2012 წლის მდგომარეობით) - 3 264.44 ლარია.
"აკადემიკოს ე. ფიფიას სახელობის სახალხო კლინიკური საავადმყოფოს" დებიტორული დავალიანება არ გააჩნია. აღსანიშნავია, რომ საწარმოს 2010 წლის მოგებიდან გადასახდელი აქვს დივიდენდი - 11 766 ლარის ოდენობით.
