დღეს, 9 აპრილს საქართველოში სტუმრად მყოფი საფრანგეთის, ლიტვის, ლატვიის, ჩეხეთის, ყაზახეთის, უკრაინის და ჩინეთის 50-მდე ჟურნალისტი თბილისში მდებარე ღვინისა და ალკოჰოლური სასმელების, ლუდის და არაალკოჰოლური სასმელების მწარმოებელი კომპანიების ,,თბილღვინოს", ,,ბაგრატიონის", ,,შატო მუხრანის", ,,ნატახტრის" და ,,სნოს" საწარმოებს დაათვალიერებენ.
როგორც "ჯი-ეიჩ-ენს" სიფლის მეურნეობის სამინიტროდან აცნობეს, სტუმრები ადგილზე გაეცნობიან კომპანიების პროდუქციას და წარმოების ტექნოლოგიებს.
შეგახსენებთ, რომ მესამე დღეა საქართველოში სტუმრად იმყოფებიან მსოფლიოში წამყვანი ჟურნალების რედაქტორები, გამომცემლობების წარმომადგენლები, სომელიეები, ღვინის ექსპერტები და ჟურნალისტები, რომლებიც ღვინისა და ალკოჰოლური სასმელების, ასევე სურსათის და ტურიზმის კუთხით მსოფლიოში არსებული სიახლეების შესახებ სტატიებს ამზადებენ. 7 ქვეყნის (საფრანგეთი, ლიტვა, ლატვია, ჩეხეთი, ყაზახეთი, უკრაინა, ჩინეთი) 50-მდე ჟურნალისტი 3 დღის განმავლობაში საქართველოს გაიცნობენ, როგორც ღვინის სამშობლოს და უძველესი კულტურის მქონე ქვეყანას. აღსანიშნავია, რომ ჩინიეთი და ჩეხეთი ამ ეტაპზე ქართული ღვინისთვის პრიორიტეტული საექსპორტო ბაზრებია და ამ ქვეყნებიდან ჩამოსული პრესტიჟული ჟურნალების და გაზეთების მთავარი რედაქტორების შთაბეჭდილებებს ქართული პროდუქციის პოპულარიზაციის კუთხით დიდი მნიშვნელობა აქვს.