კომპანია Nokia-მ გადაწყვიტა, დააპატენტოს თავისი ახალი პროდუქტი: მობილური ტელეფონი, რომელიც ფორმას იცვლის. ტელეფონს აქვს შესაძლებლობა, გადაიქცეს ხელის სამაჯურად.
"მოწყობილობა განთავსებულია ტრანსფორმირებულ კორპუსზე, რომლის ელასტიკურობის წყალობით შესაძლებელია, მობილური ტელეფონიდან სამაჯურად გადაკეთდეს. ამასთან, "ტრანსფორმერს" შეუძლია მომხმარებლისთვის უფრო მოსახერხებელი იყოს, რაც იმაში გამოიხატება, რომ ინტერნეტთან წვდომა უკაბელოდ მოხდება", - განაცხადა ფინური ფირმის წარმომადგენელმა.
კომპანიის ინფორმაციით, ახალი პროდუქტის ბაზარზე გატანის თარიღი დროებით უცნობია. ექსპერტების აზრით, მობილური-ტრანსფორმერი მომხმარებლების დიდ აქტივობას გამოიწვევს.