ლატვიური კომპანია "დპა" ბალტიისა და შავი ზღვის აუზის რეგიონის ქვეყნებში, ინფორმაციული უსაფრთხოების სრულყოფის ინიციატივით გამოდის.
აღნიშნული პროექტის ფარგლებში შეიქმნება ორი საკოორდინაციო ცენტრი რიგასა და თბილისში, რომლებიც იმუშავებენ ინფორმაციული უსაფრთხოების სტანდარტების დახვეწაზე და სისტემური ხარვეზების აღმოფრხვაზე.
უკვე ცნობილია. რომ საინფორმაციო ტექნოლოგოების მსოფლიო ლიდერი კომპანიები "მაიკროსოფტი" და "დელოიტი" მიიღებენ მონაწილეობას აღნიშნულ პროქტში. პროექტის დეტალები დაზუსტდება მომზადების პროცესში. მის პირველად ვერსიას კი წარუდგენენ საქართველოს პრეზიდენტს, მიხეილ სააკაშვილს მაისში, ლატვიაში ვიზიტის დროს.
DPA ქართულ ბაზარზე 2011 წელს შემოვიდა, როგორც იმ პერიოდისთვის Microsoft-ის ერთადერთი ოქროს პარტნიორი. ამასთან, კომპანია 2012 წლის ბოლომდე რამდენი მილიონი დოლარის ინვესტიციას მოახდენს. იგი ამჟამად აღმოსავლეთ და ცენტრალური ევროპის საინფორმაციო ტექნოლოგიების ბაზრის ერთ-ერთი ლიდერია. მას ბალტიის ქვეყნების ბაზრის 60%-ზე მეტი უკავია, ხოლო უკრაინის ბაზრის - 38%, ბელორიის ბაზრის კი - 65%-ზე მეტი. აღსანიშნავია, რომ ოთხივე ამ ქვეყანაში მოქმედი საჯარო უწყებები ძირითადად DPA-ს კლიენტები არიან.
კომპანიის შემოსვლის მნიშვნელობა საქართველოში ძირითადად ადგილობრივი ბაზრის განვითარებას უწყობს ხელს შემდეგი მიმართულებებით: მცირე და საშუალო ბიზნესის განვითარება, რაც გამოიხატება საინფორმაციო ტექნოლოგიების დანერგვით ხარჯების ოპტიმიზაციასა და ბიზნესის ეფექტიან დაგეგმარებაში.
