ყოველწლიურად, უკვე მეშვიდედ, "ოქროს ბრენდი"-ს 100-მდე ექსპერტი ავლენს და აჯილდოვებს იმ კომპანიებს, რომლებმაც ბრენდინგულ საქმიანობაში განსაკუთრებულ წარმატებებს მიაღწიეს. 2012 წლის 4 აპრილს, სასტუმრო "რადისონ ბლუ ივერია"-ში Global Idea-მ და გაზეთმა The FINANCIAL-მა ქალაქ თბილისის მერიის, საქართველოს სავაჭრო-სამრეწველო პალატისა და ამერიკის სავაჭრო პალატის მხარდაჭერით 2011 წლის რჩეული ბრენდების დაჯილდოვების ყოველწლიურ, რიგით მეშვიდე ცერემოინია გამართეს, რომელზეც დაჯილდოვებულ რამდენიმე ათეულ კომპანიას შორის "პსპ" უკვე მეშვიდედ, წლის რჩეული ფარმაცევტულ ბრენდად დასახელდა.
"ჩვენი კომპანია დაარსებიდან მომხმარებლის ინტერესსა და კმაყოფილებაზეა ორიენტირებული, ამიტომ ექსპერტებისა და მომხმარებლის მიერ ჩვენი კომპანიის საუკეთესოდ ბრენდად აღიარება სტიმულია, მომავალშიც ნომერ პირველი ფარმაცევტული კომპანია ვიყოთ. წელს "პსპ ჯგუფს" ახალი წევრი შეემატა - 150 საწოლიანი, მარვალპროფილური "ნიუ ჰოსპიტალსი", რომელიც დღეს, ოქროს ბრენდის დღეზე წლის ეროვნულ ინოვაციურ პროექტად დაასახელეს; რაც ჩვენი კომპანიის განსაკუთრებული სიამაყის მიზეზია" -განაცხადა პსპ ფარმას დირექტომა ბ-ნმა გოჩა გოგილაშვილმა.