მომსახურების ახალი კონცეფციის ფარგლებში "პროკრედიტ ბანკი საქართველომ" თბილისისა და რეგიონების ფილიალების უმეტესობა ახალი დიზაინის შესაბამისად გაარემონტა. შედეგად, ახალგარემონტებულ ფილიალებში შეიქმნა სასიამოვნო სამუშაო პირობები თანამშრომელთათვის, ხოლო კლიენტებისთვის - კომფორტული გარემო.
ფილიალის ქსელის გაფართოვება: რეგიონალური ქსელი გაფართოვდა ახალი ფილიალების გახსნით სამტრედიასა და ახალციხეში. ამით ბანკმა დაიწყო ამ ორი ქალაქისა და მიმდებარე მოსახლეობის მომსახურება, განსაკუთრებული აქცენტით სოფლის მეურნეობაზე.
"ბათუმის ფილიალებს შეემატა ახალი სერვისცენტრი, რომელიც კლიენტებს გახანგრძლივებული საათებით ემსახურება ზაფხულის სეზონზე. ქუთაისის 3 ფილიალიდან ერთ-ერთი გადატანილ იქნა ახალ შენობაში, უკეთეს ადგილზე. ახალი სერვისცენტრები გაიხსნა დიდ დიღომსა და სტრატეგიულად მნიშვნელოვან, ახლად რესტავრირებულ აღმაშენებლის გამზირზე. გაფართოვებული ფილიალების ქსელით ბანკი კიდევ უფრო ახლოს არის კლიენტებთან და მათ ხარისხიან, სწრაფ და სანდო საბანკო მომსახურებას უწევს", - აღნიშნა პროკრედიტ ბანკი საქართველოს გენერალურმა დირექტორმა მაია მერედოვამ.