მარტში წინა თვესთან შედარებით საქართველოში ინფლაციის დონემ -0,2 პროცენტი შეადგინა. "საქსტატის" ინფორმაციით, მარტში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ სურსათისა და უალკოჰოლო სასმელების ჯგუფმა და ასევე ტრანსპოტრის ჯგუფმა.
სურსათი და უალკოჰოლო სასმელების ჯგუფზე ფასები შემცირდა 0,56 პროცენტით და მისმა წვლილმა მარტის ინფლაციაში -0,17 პროცენტული პუნქტი შეადგინა. ფასების მნიშვნელოვანი კლება დაფიქსირდა თევზეულის და რძის, ყველის და კვერცხის ქვეჯგუფებზე (შესაბამისად, 2,1 და 3,7 პროცენტი). ფასების 7,1-პროცენტიანი ზრდა დაფიქსირდა ხილისა და ყურძნის ქვეჯგუფზე.
ტრანსპოტრის ჯგუფზე ფასები გაიზარდა 1,26 პროცენტით. შესაბამისად, ჯგუფის წვლილმა თვის ინფლაციის მაჩვენებელში 0,16 პროცენტული პუნქტი შეადგინა. ფასების 2,8-პროცენტიანი ზრდა დაფიქსირდა საწვავ-საპოხი მასალების ქვეჯგუფზე.
