სს „დარიალი ენერჯი" აცხადებს ტენდერს კონტრაქტზე DAR-05, ყაზბეგის რაიონში, მდინარე თერგზე, დარიალის 108 მგვტ-იანი ჰიდროელექტროსადგურის სათავე ნაგებობის და ჰესის შენობის გაყვანის და მოპირკეთების შესახებ. Dar-05 ტენდერში სამუშაოები იყოფა ორ სხვადასხვა ლოტად ( ლოტი-03 ჰესის შენობა და ლოტი-04 სათავე ნაგებობა).
ლოტი-03 ჰესის შენობა მოიცავს: მიწისქვეშა ჰესის შენობას; ფოლადის სადაწნეო შახტას და განმანაწილებლებს; წყალსაგდების კოლექტორს; საკაბელო შახტას; ჩამქრობ შახტას; დერივაციული გვირაბის მისაერთებელს; მომსახურების შენობას; წყლის ავზს, შესასვლელი გვირაბის პორტალს; შესასვლელი გვირაბის ბოლოს; წყალსაგდები გვირაბის პორტალს; წყალსაგდები არხის მილსადენს; წყალსაგდები არხს.
ლოტი-04 სათავე ნაგებობა მოიცავს: სათავე ნაგებობას; სადერივაციო მილსადენს; მარეგულირებელ რეზერვუარს; 10 კვ გადამცემ ხაზს და ბოჭკოვან კაბელს.
პრეტენდენტებმა თავიანთი სატენდერო წინადადება 14 მაისის , 16-00 საათამდე უნდა წარადგინონ.
