„საქკაბელმა" წარმოების რეაბილიტაცია ახალი მენეჯმენტის მიერ 2006 წლიდან დაიწყო და ერთ წელიწადში 3 მილიონი დოლარის ინვესტიცია განხორციელდა. მოხდა ქარხნის სრული რეაბილიტაცია, რეორგანიზცია და გადაიარაღება. დასაქმდა ასობით მუშახელი და დაიწყო ქართული პროდუქციის წარმოება.
დღესდღეობით, ზესტაფონის საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღწევს, ხოლო თბილისში სამი თვის გამავლობაში დაგეგმილია 150 დილერის დასაქმება.
2012 წლის ბოლომდე თბილისსა და საქართველოს დიდ ქალაქებში გაიხსნება 4 ახალი მაღაზია, სადაც 50-ზე მეტი ადამიანი კვლავ დასაქმდება.
შეგახსენებთ, რომ „საქკაბელი" 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს.. 2006-2007 წლებში ქარხანაში 3 მილიონი დოლარის ინვესტიცია განხორციელდა. 2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში. საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.