საპარლამენტო უმრავლესობაში ადასტურებენ, რომ რუსეთის მხრიდან ომის საფრთხე არსებობს. როგორც უმრავლესობის ერთერთმა ლიდერმა ნუგზარ წიკლაურმა, აღნიშნულ საკითხზე გავრცელებული ინფორმაციის კომენტირებისას განაცხადა, რუსეთის ქმედებებისთვის დამატებითი ,,კოზირი,, ,,ქართული ოცნების,, მიერ ბანდფორმირებების შესახებ გავრცელებული ინფორმაციებია.
მისი თქმით, საქართველოს ისეთივე საგარეო პრიორიტეტები აქვს, როგორიც ჰქონდა, რაც რუსეთის მხრიდან საშიშროებას არასოდეს გამორიცხავს.
,,რუსეთი ავითარებს სამხედრო ბაზებს ოკუპირებულ ტერიტორიებზე, მიმდინარეობს გამალებული შეიარაღება, მილიტარიზაცია, იყო ტერორისტული აქტების მცდელობა, რაც არ შეწყდა სანამ საქართველომ საქმის კურსში ჩააყენა აშშ. ფართომსშტაბიანი წვრთნები იმართება სექტემბერში. ასეთ დროს ,,ქართული ოცნების,, განცხადებები აფხაზეთის ადმინისტრაციულ საზღვართან ბანდ-ფორმირებების გადაადგილების შესახებ, არის დამატებითი კოზირი რუსებისთვის, რომ განახორციელონ თავისი პროვოკაციული ქმედება. მერე რუსეთი იტყვის ამაზე რაეაგირება იყოო ჩვენი ქმედებები. ამიტომ უნდა არსებობდეს თემები, რომელზეც სოლიდარული უნდა იყოს ყველა. მე პირადად არ ვთვლი, რომ სამხედრო საფრთხე დიდია, მაგრამ ომის განახლების საფრთხე ამ წუთას არის და რისკი არის ძალიან მაღალი, თუმცა ის მართლა უპროცედენტოდ მასშტაბური სამხედრო წვრთნები, რომელიც იგეგმება სექტემბერში არავის არ აძლევს მშვიდად ყოფნის შესაძლებლობას,, - განაცხადა წიკლაურმა.
მისივე თქმით, აღნიშნული საფრთხის წინააღმდეგ საქართველოს ქმედებაა თავისი შიარაღებული ძალებისა და სარეზერვო სისტემის გაძლიერება და დასავლელი მეგობრებისა და აშშ-ს მუდმივი ინფორმირებულობა.
წიკლაურის მტკიცებით, საქართველოს ხელისუფლების მხრიდან ომის საშიშროებაზე გაკეთებული განცხადებები, არანაირად არ უკავშირედება შემოდგომაზე დაგეგმილ საპარლამენტო არჩევნებს.
,,ამ ისტორიის ანატომია ის არის, რომ ირაკლი ალასანიამ გააკეთა განცხადებები ბანდფორმირებების შესახებ, რასაც მოჰყვა გამოხმაურება ოკუპირებული ტერიტორიებიდან და კარასინის მხრიდან. ჩვენი მხრიდან კი არჩევნებისათვის სრულიად სხვა სახის მზადება მინდინარეობს,, - დასძინა წიკლაურმა.
რუსეთთან
ახალი ომის შესაძლებლობასთან დაკავშირებით, საქართველოს ეროვნული უშიშროების საბჭოს მდივანმა გიგა ბოკერიამ რადიოსადგურ "ეხო მასკვისთვის" მიცემულ ინტერვიუში ისაუბრა.
უშიშროების საბჭოს მდივანი აღნიშნავს, რომ ამ ეტაპზე ვერ ხედავს რუსეთის მხრიდან ამ მიმართულებით სრულმასშტაბიან ნაბიჯებს, თუმცა, მისი აზრით, რუსეთში არსებობს "საქმის ბოლომდე მიყვანის სურვილი და ეს საქმე 2008 წელს ბოლომდე ვერ იქნა მიყვანილი,,
