კიდევ ერთი ქართველი ბრალდებული, რომელსაც მალაიზიის კანონებით სასჯელი უმაღლესი ზომა - სიკვდილი ემუქრებოდა რამდენიმე წელიწადში თავისუფალი იქნება.
დარეჯან კოხტაშვილის შემდეგ ქართულმა მახრემ კიდევ ერთ უპრეცედენტო შედეგს ბაბუცა გორდაძის საქმეზე მიაღწია. ნარკოტრეფიკინგში ბრალდებული მინიმალურ სასჯელს მოიხდის. მოსამართლემ ბრალდებულს 8 წლით თავისუფლების აღკვეთა მიუსაჯა. პატიმრობის ვადის ათვლა ბაბუცა გორდაძის დაკავების დღიდან ხდება. განაჩენი მალაიზიის სასამართლომ რამდენიმე წუთის წინ გამოიტანა. სასამართლო პროცესი სამ საათზე მეტხანს გაგრძელდა.
დაკავებულისათვის სასჯელი შესამსუბუქებლად საქართველოს ხელისუფლება ინტენსიურ მოლაპარაკებებს აწარმოებდა.
"მინდა გაცნობოთ სასიხარულო ამბავი, სულ რამდენიმე წუთის წინ დასრულდა სასამართლო პროცესი და სასამართლომ გამოიტანა უპრეცედენტო გადაწყვეტილება. ამ კონკრეტულ შემთხვევაში, როგორც წინა შემთხვევაში მოხდა ჩვენ ჩვენს მოქალაქეს სიკვდილით დასჯა, ჩამოხრჩობა ავარიდეთ და სასამართლომ მას განუსაზღვრა 8 წლის ვადით თავისუფლების აღკვეთა. ამ ტვაწლიან ვადაშე ეთვლება ის პერიოდი, როდესაც ის ადამიანი დააკავეს', _ აცხადებს საქართველოს მთავარი პროკურატურის სამართლებრივი უზრუნველყოფის დეპარტამენტის უფროსი ირაკლი ჩილინგარაშვილი.