საგარეო სექტორის სტატისტიკის გაუმჯობესების მიზნით ეროვნულმა ბანკმა საქართველოდან საზღვარგარეთ განხორციელებული პირდაპირი ინვესტიციების კვლევა განახორციელა, რის შედეგადაც უფრო ადეკვატურად იქნა ასახული საგადასახდელო ბალანსში და საერთაშორისო საინვესტიციო პოზიციაში ამ სახის ინვესტიციები და მათგან მიღებული შემოსავალები.
2011 წლის IV კვარტალში საგადასახდელო ბალანსის მიმდინარე ანგარიშის დეფიციტმა 525.4 მლნ აშშ დოლარი ( 872.0 მლნ ლარი) შეადგინა, რაც წინა კვარტალთან შედარებით 14.9 პროცენტით მეტია.
საანგარიშო პერიოდში, წინა კვარტალთან შედარებით, საქონლის ექსპორტი 167.9 მლნ აშშ დოლარით, ხოლო იმპორტი 232,6 მლნ აშშ დოლარით გაიზარდა, რის შედეგადაც საქონლით ვაჭრობის ბალანსის დეფიციტი გაიზარდა და 1.0 მლრდ აშშ დოლარი (1,7 მლრდ ლარი) შეადგინა, რაც 6,7 პროცენტით მეტია წინა კვარტალთან და 33,5 პროცენტით მეტი 2010 წლის IV კვარტალთან შედარებით.
მომსახურების ბალანსი დადებითია და 2011 წლის IV კვარტალში 162,4 მლნ აშშ დოლარს (269,6 მლნ ლარს) შეადგენს. აქედან, მომსახურების ექსპორტი 508,4 მლნ აშშ დოლარია (843,9 მლნ ლარი), რაც 16,5 პროცენტით ნაკლებია წინა კვარტალთან და 13,6 პროცენტით მეტი 2010 წლის ანალოგიურ კვარტალთან შედარებით. მომსახურე¬ბის იმპორტი - 346,0 მლნ აშშ დოლარია (-574,3 მლნ ლარი), რაც 10,4 პროცენტით მეტია 2010 წლის ანალოგიურ პერიოდთან შედარებით, ხოლო წინა კვარტალის მნიშვნელობაზე 0,2 მლნ აშშ დოლარით ნაკლებია.
მომსახურებით ვაჭრობიდან ყველაზე მაღალი დადებითი ბალანსით ტურისტული მომსახურება ხასიათდება (181,1 მლნ აშშ დოლარი ანუ 300,5 მლნ ლარი), რომელიც 2011 წლის IV კვარტალში წინა კვარტალ¬თან შედარებით 29,8 პროცენტით შემცირდა, ხოლო წინა წლის ანალოგიურ პერიოდთან შედარებით 34,7 პროცენტით გაიზარდა. მეორე დადე¬ბითი კომპონენტია სატრანსპორტო მომსახურება (7,2 მლნ აშშ დოლარი ანუ 11,9 მლნ ლარი), რომლის ექსპორტი წინა კვარტალთან შედარებით 6,7 პროცენტით შემცირდა, ხოლო წინა წლის შესაბამის პერიოდთან შედარებით 10,2 პროცენტით გაიზარდა. სატრანსპორტო მომსახურების იმპორტი წინა კვარტალთან შედარებით 4,7 პროცენტით, ხოლო წინა წლის შესაბამის პერიოდთან შედარებით 20,2 პროცენტით გაიზარდა.
შემოსავლის ბალანსმა 2011 წლის IV კვარტალში - 58,8 მლნ აშშ დოლარი (-97,5 მლნ ლარი) შეადგინა. შემოსავლის კრედიტი 204,6 მლნ აშშ დოლარი (339,6 მლნ ლარი), 5,9 პროცენტით ნაკლებია წინა კვარტალის და 28,6 პროცენტით მეტი 2010 წლის IV კვარტალის მაჩვენებელზე. შემოსავლის დებეტმა -263,3 მლნ აშშ დოლარი (-437,1 მლნ ლარი) შეადგინა, რაც 10,6 პროცენტით ნაკლებია წინა კვარტალთან და 26,8 პროცენტით მეტი გასული წლის ანალოგიურ პერიოდთან შედარებით.
მიმდინარე ტრანსფერების მოცულობა მიმდინარე ანგარიშის ყველაზე მაღალი დადებითი კომპონენტია და 398,1 მლნ აშშ დოლარს (660,8 მლნ ლარს) შეადგენს, რაც წინა კვარტალთან შედარებით 24,6 პროცენტით, ხოლო წინა წლის შესაბამის პერი-ოდთან შედარებით 28,6 პროცენტით მეტია. აქედან, 460,0 მლნ აშშ დოლარი (763,5 მლნ ლარი) მიღებული, ხოლო 61,9 მლნ აშშ დოლარი (102,7 მლნ ლარი) გაცემული ტრანსფერებია. 2011 წლის IV კვარტალში სამთავრობო სექტორის წმინდა ტრანსფერები წინა წლის შესაბამის პერიოდთან შედარებით 25,3 პროცენტით შემცირდა, ხოლო სხვა სექტორებისა - 39,3 პროცენტით გაიზარდა.
კაპიტალური ტრანსფერების წმინდა შემოდინებამ 2011 წლის IV კვარტალში 21,5 მლნ აშშ დოლარი (35,7 მლნ ლარი) შეადგინა, რაც წინა კვარტალთან შედარებით 23,8 პროცენტით, ხოლო 2010 წლის IV კვარტალთან შედარებით 74,9 პროცენტით ნაკლებია. მათში სამთავრობო სექტორის კაპიტალური ტრანსფერები საანგარიშო პერიოდში 17,5 მლნ აშშ დოლარი (29,1 მლნ ლარი) იყო, 28,9 პროცენტით ნაკლები წინა კვარტალთან და 78,4 პროცენტით ნაკლები წინა წლის შესაბამის პერიოდთან შედარებით.
წმინდა პირდაპირი უცხოური ინვესტიციები 2011 წლის IV კვარტალში 225,3 მლნ აშშ დოლარს (374,0 მლნ ლარს) შეადგენს. ამავდროულად, საქართველოში განხორციელებული პირდაპირი უცხოური ინვესტიციები მოცემულ პერიოდში 337,5 მლნ აშშ დოლარს (560,2 მლნ ლარს) გაუტოლდა, რაც 27,4 პროცენტით მეტია წინა კვარტალთან და 57,7 პროცენტით მეტი 2010 წლის ანალოგიურ პერიოდთან შედარებით. საქართველოში განხორციელებული პირდაპირი უცხოური ინვესტიციებიდან ინვესტიცია სააქციო კაპიტალში შეადგენდა 178,4 მლნ აშშ დოლარს (296,1 მლნ ლარს), რეინვესტირებული შემოსავალი - 112,5 მლნ აშშ დოლარს (186,7 მლნ ლარს), ხოლო სხვა კაპიტალი - 46,6 მლნ აშშ დოლარს (77,4 მლნ ლარს).
სხვა ინვესტიციების დადებითმა სალდომ საანგარიშო პერიოდში 404,8 მლნ აშშ დოლარი (671,9 მლნ ლარი) შეადგინა, რაც წინა კვარტალთან შედარებით 2,2-ჯერ მეტია, ხოლო 2010 წლის ანალოგიურ პერიოდთან შედარებით 39,1 პროცენტით მეტია. სხვა ინვესტიციების აქტივები 2011 წლის IV კვარტალში 26,9 მლნ აშშ დოლარით (44,7 მლნ ლარით) შემცირდა, ხოლო ვალდებულებები საანგარიშო პერიოდში 377,9 მლნ აშშ დოლარით (627,2 მლნ ლარით) გაიზარდა.
სარეზერვო აქტივები 2011 წლის IV კვარტალში ოპერაციული ცვლილებით 100,7 მლნ აშშ დოლარით (167,2 მლნ ლარით) გაიზარდა.